Gjuha shqipe, e treta ndër gjuhët e huaja në shkollat austriake

Shqipja vjen në vendin e tretë me gjithsej 16.481 nxënës që e flasin atë, pas turqishtes (60.714) dhe gjuhëve serbokroate dhe boshnjake të marra së bashku (69.414) –

 

Ndërkohë që numri i nxënësve në Austri shkon duke rënë, në shkollat austriake sa vjen e rritet numri i fëmijëve dhe të rinjve, të cilët kanë një gjuhë tjetër amtare nga gjermanishtja.

Sipas zyrës së statistikave «Austria», në vitin e kaluar shkollor (2014/2015), 22.2 për qind të nxënësve kanë shënuar një gjuhë tjetër nga gjermanishtja si gjuhë në të cilën flasin në shtëpi, që është pra më shumë se një e pesta e numrit të gjithmbarshëm të nxënësve, shkruan orf.at.

Rritja në krahasim me një vit më parë ka qenë për më shumë se 11 mijë, ose plus 1.1% në krahasim me vitin shkollor 2013/2014.

Në kryeqytet, në Vjenë, ndërkaq pjesëmarrja e nxënësve me gjuhë amtare të huaj është dukshëm mbi mesataren, ose 47.5%, transmeton albinfo.ch. Me një diferencë të madhe vijnë në radhë pastaj landet si Vorarlberg me 23.4%, Salzburgu me 19.1% etj. Përqindja më e ulët e nxënësve me gjuhë amtare të huaj është në landin Kärnten, gjithsej 12.4%.

Më të përfaqesuarit, fëmijët me gjuhë amtare jo gjermanshten janë në shkollat speciale 32.3%, përcjell albinfo.ch. Shkollat politeknike me 30% vijnë më pas ndërsa përqindja më e ulët e tyre është në shkollat AHS dhe BHS, gjithsej 17.1%.

Gjuha e huaj që flitet më së shumti nga nxënësit në shkollat austriake në mesin e gjithsej 80 gjuhëve, është, nëse merret si një gjuhë e përbashkët serbishtja/kroatishtja/boshnjakishtja, e cila flitet nga 69.414 nxënës. Ndërsa turqishten e flasin 60.714 nxënës. Shqipja vjen ne vendin e tretë me gjithsej 16.481 nxënës që e flasin.

 

Be the first to comment

Leave a Reply

Your email address will not be published.


*